Ներկայացնում ենք հարցազրույցների շարք, որոնց նպատակն է պարզել ոլորտային խնդիրները: Մշակույթը մեծ դերակատարություն ունի ազգի մտածելակերպի ձևավորման, կայացման և զարգացման հարցում, ուստի հենց այս ոլորտից էլ կսկսվի հարցազրույցների շարքը: Ներկայացնելու ենք ինչպես մշակութային, այնպես էլ շոու բիզնեսի ոլորտում գործող անհատներին:
Հայաստանում դժվար պայմաններ են ապրելու համար: Ըստ Ձեզ, ինչու՞ է այդպես, երկրի աշխարհագրական դիրքն է պատճառը, սխալ իրականացվող քաղաքակությունը, թե ՞ ժողովրդի մտածելակերպը:
– Ձեր նշած տարբերակներից յուրաքանչյուրի մեջ էլ կան թերություններ: Բայց այդ թերությունները կան նաև ուրիշ պետություններում: Մեր մոտ ավելի շատ մեր փոքր երկիր լինելնա մի քիչ խանգարում, ավելի ճիշտ մարդաքանակը: Մանավանդ փոքր և միջին բիզնեսի համար դա լուրջ խանգարող հանգամանք է: Շատ քչերին ա հաջողվում Հայաստանում բիզնեսի մեջ հաջողության հասնել: Ստեղ պետք ա նորմայից մի քիչ ավելի խելացի լինես ու միանգամից կարանաս մի քանի բան անել, որ կարանաս գոյատևել:
Վերջին տարիների ընթացքւմ զարգացում տեսնու՞մ եք Հայաստանում, եթե այո, ապա ո՞ր ոլորտներում:
- Զարգացում միանշանակ կա` չէր կարա չլիներ: Բոլոր ոլորտերում պրոգրես կա, բայց միշտ էլ խնդիրների լուծումներից հետո առաջանում են նոր խնդիրներ , որոնք պետք է լուծել ու տենց անվերջ:
Այսօր երգարվեստի, առհասարակ մշակութային ոլորտում բազմաթիվ խնդիրներ կան, որոնք պատճառ են դառնում մշակույթի գործիչների արտագաղթին, ի՞նչ կարող են անել համապատասխան պետական գործիչները:
- Պետական կառույցները միշտ էլ ցանկանում են, որ առաջինը դու ինչ-որ մի բան անես « Պետության » համար (տվյալ դեպքում պետությունը ` հենց պետական կառույցն է), հետո նոր իրանք կմտածեն քո համար ինչ-որ բան անելու մասին:
Դուք գոհ եք Ձեր վաստակած գումարից , եթե ոչ, ապա ի՞նչն է խանգարում ավելի շատ վաստակելուն:
- Ես գոհ եմ իմ աշխատանքից: Շատ անգամ դա ավելի կարևոր է, քան թե ինչքան գումար ես վաստակում: Իմ եկամուտները խիստ անկայուն են: Մի ամիս շատ լավ, մի ամիս` շատ վատ: Ես արդեն վաղուց ընտելացել եմ այս տիպի կյանքին, ավելին ասեմ, ես չեմ էլ կարա արդեն ստաբիլ կյանքով ապրեմ` դա ինձ կսպանի:
Ի՞նչն է պատճառը, որ մեր երգարվեստի ներկայացուցիչները չեն կարողանում իրենց արվեստով, ոճով, ինքնասիրությամբ գրավել սփյուռքին և ոչ հայ հանդիսատեսին:
- Որովհետև մարդիկ սխալ են մտածում: Մտածում են` աշխարհը գրավելու մասին , բայց չեն մտածում, թե ինչով են այդ աշխարհը գրավելու: Ու ամենակորևոր հարցը` մենք չենք հավատում մեր նպատակներին, դրա պատճառով առաջանում է կոմպլեքս: Ֆինանսական մեծ ներդրումները, իհարկե, ցանկալի են, բայց ցանկության և մի քիչ խելացի լինելու դեպքում կարելի է անգամ առանց փողի էլ հասնել նպատակին:
Ի՞նչ խորհուրդ կտայիք սկսնակներին, ինչպես նաև «շոուբեզնեսի» ներկայացուցիչներին` ի՞նչ կուզենայիք տեսնել նրանց գործունեության մեջ, որն ըստ Ձեզ շատ ավելի արդյունավետ կդարձներ ինչպես հայկական «շոուբեզնեսը», այնպես էլ իրենց գործունեությունը:
- Կցանկանամ, որ լինեն հետաքրքիր հանրության համար: Շոու-Բիզնեսը կառուցված է հենց հետաքրքրության վրա: Եթե հետաքրքիր չլինես ` քեզնով ոչ մեկ չի հետաքրքրվի
Հարցազրույցը վարեց Անի Հակոբյանը /MaxInfo.am/
Admin: htyaks@gmail.com
