Դիջեյական վահանակի մոտ DJ Smoke-ն էր, ռեփերը Դավիթ Բադալյանի հետ իր ամենաթարմ հիթերից "Հոգնել եմ"-ը կատարեց, "Չես կարա փախչել ինձնից, Մարիա" երգեց "Հայք"-ից Նարեկը: Պրեմիերա եղավ. "Քո …"` դուետի անունը դեռ չեն որոշել Հ.Տ. Հայկոն ու Արթուր Գաբրիելյանը :
Հայկ Մարգարյանը` նույն ինքը Հ.Տ. Հայկոն, Նոր տարվա գիշերն էլ է համերգ տալու, բայց տոնին նվիրված երգ չի ներկայացնի. :Տոնական երգեր չեմ թողարկում: :Սաղ էթում են աջ, ես` ձախ: սկզբունքով եմ առաջնորդվում: Շինծու բաներ չեմ սիրում, եթե տոնին վերաբերող կոնկրետ թեմա լինի, կերգեմ, բայց կոմերցիոն գործ չեմ անի::
Հ.Տ. Հայկոյի հրաշքը ապրիլի վերջին կծնվի
Հաջորդ տարի ռեփերը նոր ձայնասկավառակ կթողարկի, տեսահոլովակներ եւս կլինեն, նշում է` "Հ.Տ. Փրոդաքշն"-ով էլ բավական գործ ունի անելու. "Շատ հետաքրքիր, փախած մտքեր ունենք": 2011-ը Հ.Տ. Հայկոյին մի հրաշք է պարգեւելու. ապրիլի վերջին կծնվի : "Աստծո հաջողությամբ` իմ ամենաերջանիկ տարիներից մեկն է լինելու: Աղջիկ է. անունը դեռ չենք որոշել":
Գժի պես տարվել է
"Մինչեւ կաշվիդ վրա չզգաս, չես հասկանա` ինչ հաճույք է: Դեռ մարսվում է մեջս: Երեխան փորի մեջ խաղում է, հետը խոսում եմ, արդեն գժի պես տարվել եմ: Երբ ծնվի, հաստատ գիտեմ` լրիվ այլ զգացողություններ եմ ունենալու",- Bravo.am-ին ասաց ապագա հայր Հ.Տ. Հայկոն ու խոստովանեց` տղա զավակ է ցանկացել. "Որ ճիշտն ասեմ, չգիտեմ` ինչու, համոզված էինք, տղա է լինելու: Ասում են` դեռ կջոկեմ աղջկա քաղցրությունը : Տղան այսպես, թե այնպես կլինի. վիզ եմ դնելու, որ տղա ունենամ": Ռեփերը չգիտի` դստերը շատ "երես կտա", թե` ոչ. "Դաստիարակման սկզբունքս չեմ որոշել, ընթացքում…" :
Մինչեւ երկրպագուներին պետք չգա
Նրան բուռն հույզերն ու զգացմունքները չեն խանգարում ստեղծագործել. "Իմ անձնականը ուժ է տալիս: Այնպիսի երկրում ենք ապրում, որ առանց դրա հնարավոր չէ: Ընտանիքս, սերը իմ աշխատանքի "մատորն" են հանդիսանում": Հ.Տ.-ն երկրպագուներին չի մոռանա. "Այնքան եմ աշխատելու, մինչեւ երկրպագուներիս պետք չգամ: Եթե զգամ, որ էլ պետքական չեմ, չեմ աշխատի: Այնպես եմ անում` որ այդ օրը չգա :)" :
25 տարեկանում հայր դառնալ պատրաստվող Հ.Տ. Հայկոն ընտանիքը շատ է կարեւորում, Նոր տարին էլ հենց "կարեւորագույնների" հետ կնշի . "Գերադասում եմ տանը դիմավորել: Ինձ համար այլ կարեւորություններ կան: Կարող է` ջահել ժամանակ դուրսը անցկացնեինք, հրապարակ ման գալու գնայինք, թեեւ էլի նման բաների հետ սեր չունեի առանձնապես: Հիմա ցանկացած առիթ ընտանիքիս հետ եմ նշում. քիչ են դրանք, դրա համար չեմ ցանկանում շանսը բաց թողնել": Ի դեպ, ռեփերը սեղանի "գլխին" նստելուն նշանակություն չի տալիս :
"Ռոմանտիկ չեմ, բայց փախած մտքեր ունեմ". Հ.Տ. Հայկո
Հ.Տ. Հայկոյից հետաքրքրվեցինք` արդյոք նվերներ նվիրելուն էլ նշանակություն չի տալիս : "Դեռ ժամանակ չեմ գտել դրանով զբաղվելու: Գործերս շատ են, հարմար պահին նվերները կառնեմ: Կարծում եմ` կնոջս հետ կընտրենք իր նվերը, թեեւ մեր ճաշակները համընկնում են" : Ռեփերը տոնածառ չի սիրում. "Չեմ կարեւորում, տոներն էլ են երկրորդական, գնահատում եմ ընտանիքում համերաշխությունը, սերը: Սերը շաբլոն բառ են դարձրել, դրանից հասկացողը բառերով չի էլ արտահայտվում: Կնոջս էլ իմ սիրո խոստովանությունները լրիվ այլ ձեւ են: Նա համախոհս է. բիոտոկերով իրար կապված, երկու անբաժան մարդիկ ենք: Այդքան ռոմանտիկ չեմ, բայց փախած մտքեր ունեմ ու այնպես եմ անում, որ նրա կյանքը հետաքրքիր լինի" :
Ռեփերը ցանկանում է, որ 2011-ին ռիսկով մարդիկ շատանան. "Հայերի պոտենցիալը մեծ է, կուզեի օգտագործվեր ու կինետիկ էներգիա դառնար : Էս երկրում առանց ռիսկի ոչ մի բանի չես հասնի: Երիտասարդներն էլ թող չվախենան իրենց մտքերն ի կատար ածելուց: Ես էլ դա տեսնեմ, ոգեշնչվեմ, ուրախանամ":